ՀՀ պետական եկամուտների կոմիտեն ստուգում է իրավիճակից օգտվողներին
Ըստ Sputnik-ի հոկտեմբերի 7-ի տվյալների՝ ՀՀ պետական եկամուտների կոմիտեն (ՊԵԿ) ամփոփել է 2020թ. 9 ամիսների հարկային եկամուտների ցուցանիշները.
Կոմիտեից հայտնել են, որ հունվար-սեպտեմբեր ամիսների ընթացքում նախատեսված 999.1 մլրդ դրամի փոխարեն 1 տրիլիոն 16.8 մլրդ դրամ գումար է հավաքագրվել պետական բյուջե:
Միայն հարկային մարմինների կողմից հավաքագրված հարկային եկամուտները կազմել են , այն դեպքում, երբ 2019թ. նույն ժամանակահատվածին հավաքագրվել էր 901.6 մլրդ դրամ:
Մաքսային մարմինների կողմից հավաքագրված եկամուտները կազմել են 199 մլրդ դրամ` 2019թ.–ի 266.8 մլրդ դրամի փոխարեն:
Տնտեսվարողներին վերադարձված գումարը կազմել է 98.9 մլրդ դրամ` 2019թ. նույն ժամանակահատվածում վերադարձված 90.2 մլրդ դրամի փոխարեն:
ՊԵԿ–ի տարածած հաղորդագրության մեջ նշված է.
«Չնայած համավարակի ազդեցությանը և տնտեսական զարգացումների վերաբերյալ բացասական կանխատեսումներին, ինչպես նաև ՀՀ կառավարության կողմից տնտեսության համար տրամադրված մեծածավալ արտոնություններին` հարկային եկամուտների ծավալն ավելացել է, ինչը չենք կարող ասել մաքսային վճարների վերաբերյալ, որոնք 2020թ. ընթացքում նվազել են` հիմնականում տրանսպորտային միջոցների ներկրման մեծ ծավալների բացակայության պատճառով» ։
ՊԵԿ–ը նաև հայտնում է, որ ստուգումներ են իրականացվում այն տնտեսվարողների մոտ, ովքեր փորձում են օգտվել ստեղծված իրավիճակից: